ባለፉት ዓመታት በክልሉ የህዝብ ተሳትፎ እና ተጠቃሚነት 

የማረጋገጥ ስራ ልዩ ትኩረት ተሰጥቶታል:-ርዕሰ መስተዳድር 

እንዳሻው ጣሰው (ዶ/ር)

ሆሳዕና፣መስከረም 22/2019 ለማዕከላዊ ኢትዮጵያ ክልል ህዝብ 

ተወካዮች ምክር ቤት አባላት በአሰራር እና የስነ-ምግባር ደንብ ላይ 

በወልቂጤ ከተማ ስልጠና እየተሰጠ ነው 

የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው 

(ዶ/ር) በዚሁ ጊዜ እንደገለጹት ባለፉት ዓመታት መንግስት እና 

ፓርቲ ያስቀመጧቸውን መንታ ግቦች ማሳካት የሚያስችል አቅም 

መፈጠሩን ተናግረዋል። 

ሰላማዊ ምርጫ በማካሄድ ለህዝቡ ፖሊሲዎቻችንን በአማራጭነት 

አቅርበን አሸናፊ የመሆን ግባችንን አረጋግጠናል ብለዋል። 

ከሰባተኛው ጠቅላላ ምርጫ በኋላ ከክልል ጀምሮ እስከ ቀበሌባለው 

መዋቅር ውጤታማ ስራ ማከናወን ተችሏል ብለዋል።

በክልሉ የህዝብ ተሳትፎ እና ተጠቃሚነት የማረጋገጥ ስራ ልዩ ትኩረት 

እንደተሰጠውም ርዕሰ መስተዳድሩ አብራርተዋል። 

የክልሉን የሶስት አመታት ጉዞ ለምክር ቤት አባላት ግንዛቤ ማስጨበጥ 

ወሳኝ መሆኑን ጠቅሰዋል። 

ምክር ቤቱ ለቀጣዮቹ አምስት ዓመታት ስራዎችን ሲያከናውን ተደማሪ 

ጉዳዮችን እንዲለይ እና አስፈጻሚ መስሪያ ቤቶችን በተገቢው ሁኔታ 

እንዲያግዝ ያስችላል ብለዋል። 

የክልሉ የህዝብ ተወካዮች ምክር ቤት የመንግስትን ስራ እንዴት ይቆጣጠር

እንደነበር እና የድጋፍ እና ክትትል ስራ ላይ የጋራ ተግባቦት መፍጠር 

የሚያስችል መድረክ ስለመሆኑም ርዕሰ መስተዳድሩ ጠቁመዋል።